एमसीसी खारेज गर्न हर्क साम्पाङको माग

१९ चैत, काठमाडौं । श्रम, संस्कृति पार्टीका अध्यक्षसमेत रहेका सांसद हर्क साम्पाङले अमेरिकी सहायता परियोजना एमसीसी खारेज गर्न माग गरेका छन् ।

प्रतिनिधिसभाको पहिलो बैठकलाई सम्बोधन गर्दै उनले यस्तो माग गरेका हुन् ।

‘म यहाँ मनको कथा राख्न चाहन्नँ । हामी के गरिरहेका छौं, भोलि के गर्नुपर्छ । भन्नेबारे जनताका मागहरू भन्न चाहन्छु,’ उनले भने, ‘देशको लस्वाधिनता र असंलग्न परराष्ट्र नीतिलाई बचाइ राख्न सैन्य रणनीति उद्देश्यका साथ सुरु गरिएको असमान राष्ट्रघाती व्यापारिक सन्धी एमसीसी खारेज गर्नुपर्छ भनेर माग गर्दछु ।’

साम्पाङले सत्तापक्षलाई ३०-४० मिनेट बोल्दा साना दलले ३ मिनेट दिएको भन्दै संसदमै विभेद गरे गरेको आरोप लगाउनुभयो । साना दलका सांसद पनि जनताबाट चुनिएर आएकोले आफ्ना कुरा खुलस्त राख्न पाउनुपर्ने उनले बताए ।